به ڕاپۆرتی ئاژانسی مێهر لە ئەلنەشرە، بەرپرسانی لێژنەی ئاوەدان کردنەوەی شاری ڕەقە ڕایانگەیاند کە لە میانەی هەڵدانەوەی گۆڕە بە کۆمەڵەکانی شاری ڕەقە ۳ گۆڕی بە کۆمەڵ کە بە تازەیی دۆزراونەتەوە، تەرمی یەک هەزار و ۲۳٦ کەسی تێدا بووە.
ئەم بەرپرسانە هەروەها جەختیان کرد کە ژمارەی ئەو تەرمانەی هێشتا لە ژێر بینا ڕووخاوەکانی شاری ڕەقە ماون ڕوون نییە و کەس نازانێت کێن.
شایانی باسە کاری دۆزینەوە و هەڵدانەوەی گۆڕە بە کۆمەڵەکان و تەرمەکان لە یەک ساڵی ڕابردوودا دەستی پێ کرووە و تاکوو ئێستەش بە دەیان گۆڕی بە کۆمەڵی داعشییەکان لەم شارە دۆزراوەتەوە.
Your Comment